澳洲和牛燒肉放題 🥩
-
之前響Hibiki喺佐敦嗰時已經嚟食過，
但早排因為疫情停業一段時間，
重開後無耐又再次因租約問題而結業，
最近終於喺銅鑼灣重振旗鼓，
環境乾淨又舒服(●°u°●) 」
晚市放題分為17:00-19:30或19:30-22:00兩個時段，
因為有七七折優惠每位折後最平$393起，
不過留意返要Like咗FB同IG先有優惠，
而且另外要收返正價加一服務費，
最抵其實係宵夜時段，
由十點食到十二點都只係$298仲免加一🤑
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
除咗肉類之外刺身、壽司、天婦羅等都一應俱全，
而自助區亦有前菜、飲品同甜品可以自取，
就連清酒、柚子酒同梅酒等都可以任飲🍶
一如既往入座後無耐首先會送上一份燒肉拼盤同刺身拼盤，
刺身除咗有三文魚、油甘魚、甜蝦等常見款式外，
仲有每日由日本空運到港嘅時令鮮魚，
記得佐敦店每位客人會送半隻波士頓龍蝦，
新店取而代之改為一人一隻海膽三文魚子生蠔，
不過可惜生蠔肉身較為瘦削🤔
燒肉拼盤包括澳洲和牛西冷、
澳洲和牛肉眼、澳洲和牛胸腹、美國牛肋條、
米澤三元豚腩片、米澤三元豚西冷、
雞翼同骨付雞肉腸，
澳洲和牛三個部位肉質大致上都算軟嫩，
油花分布平均以任食質素而言絕對游刃有餘，
當中個人最鍾意肉味油香平衡嘅澳洲和牛胸腹
燒肉方面仲有醃製好嘅醬汁燒肉，
例如生薑汁澳洲肥牛薄燒、
醬汁羊卷肉薄燒同生薑豚肉薄燒等；
另外一系列椒鹽燒當中個人最推薦雞皮串，
燒過後變得微微焦脆逼出油脂更加香口😍
其他天婦羅及炸物都即叫即炸，
值得一提嘅係雪糕方面仲有Movenpick雪糕、
Dreyer’s甜筒同Fruttato Gelato嘅雪糕雪條🤪
.
———————————————
📍響日本燒肉 (銅鑼灣)
銅鑼灣渣甸街66號亨環2樓
———————————————
.
.
Search